أحمد حلمي: "كنت متوقع ربع الإيرادات اللي حققها فيلم واحد تاني"

أكد الفنان أحمد حلمي أنه لم يتوقع الإيرادات التي حققها فيلم "واحد تاني".

وقال أثناء مداخلته الهاتفية خاصة لـ "راديو إنرجي" مع وائل منصور ومنة عامر: "قبل الفيلم ما ينزل مبكونش متوقع حاجة، بقول يارب، وببتدي أسمع زي أي حد، عملنا إيه، الفيلم عمل ايه، كده يعني، وبصراحة مكنتش متوقع الرقم ده، لما نزل آخر حفلتين في آخر يوم في رمضان، في الغالب كنت مستنى أسمع أقل من الرقم ده بكتير جدا، ربعه مثلا".

وتابع: "نفسي يبقى عندي إنتاج أكبر من كده، عندي على الأقل كل سنة فيلم، وبيقى حلو أحيانا تبقى واحش الناس، أنا نفسي اشتغل فيلمين تلاتة في السنة".

وحقق فيلم "واحد تاني" في أول أيام عيد الفطر المبارك، إيرادات قدرها 5 ملايين 44 ألف 955 جنيه.

"واحد تاني" من تأليف هيثم دبور، إخراج محمد شاكر خضير، بطولة أحمد حلمي، روبي، عمرو عبدالجليل، نسرين أمين، سيد رجب، أحمد مالك، نور إيهاب.

جدير بالذكر أن فيلم "واحد تاني"، يعيد أحمد حلمي للسينما بعد غياب حوالي 3 أعوام، منذ آخر أفلامه "خيال مآتة" الذي عُرض في أغسطس 2019، بطولة منة شلبي، حسن حسني، خالد الصاوي، بيومي فؤاد.