إعلان

عصام عمر: رفضت بطولة مسلسل "بالطو" في البداية

11:24 ص السبت 25 فبراير 2023

كتبت- منى الموجي:

قال الفنان عصام عمر إنه رفض دور البطولة في مسلسل "بالطو"، عندما عُرض عليه لأول مرة، وأخبر المخرج أنه من الأفضل اختيار ممثل أكثر موهبة وشهرة منه، حتى يضيف نجاحًا حقيقياً للعمل.

أضاف عصام، خلال حواره ببرنامج "معكم منى الشاذلي على قناة cbc، أن المخرج عمر المهندس تمسّك به، ورفض إسناد دور البطولة لأي ممثل آخر، قائلا: "في البداية مكنتش حابب إن أنا أعمل المسلسل، مكنتش حابب ابقي بطل ولا اعمل ده دلوقت خالص، مكنتش مقتنع وحاسس إن ممكن نجيب ممثل تاني أفضل ومشهور أكتر، فهينفعهم".

تابع: "عمر صاحبي من زمان وأخويا فمكنتش عاوز في أول تجربة ليه ألبسه في حيطة.. كنت عاوز ممثل جامد مشهور يبقى مكاني عشان عمر تجربته تنجح.. لكن عمر قالي مش هعمله غير بيك.. وقد كان".

واختتم عصام عمر تعليقه قائلا: "الموضوع مش إني أكون بطل وخلاص.. الموضوع هل هقدر اقدم حاجة تستاهل ولا هتقدم لهم كبطل وهتبقى الناس بتضيع وقتها علي حاجة مش محترماها.. كان نفسي ابقي بعمل حاجة حلوة بس".

"بالطو" مأخوذ عن كتاب "بالطو وفانلة وتاب" تأليف أحمد عاطف فياض، إخراج عمر المهندس، بطولة عصام عمر، محمد محمود، محمود البزاوي، سلافة غانم، محمد رضوان، عارفة عبدالرسول، مريم الجندي، ويُعرض على منصة واتش ات.

فيديو قد يعجبك: