مقابر وقرآن ودموع وهدايا.. طقوس العيد في البحيرة (صور)

البحيرة – أحمد نصرة:

حرص عدد كبير من المواطنين بمحافظة البحيرة، على زيارة المقابر صبيحة يوم العيد، عقب الصلاة، لتختلط مشاعر الفرحة بدموع الفراق.

يقول عبده يوسف، مدرس: "أحرص على زيارة المقابر كل عيد وقراءة الفاتحة على روح والدي، هذه العادة عودني عليها أهلي، عشان كده جبت ابني معييا عشان أحببه هو كمان في العادة الحميدة دي".

وتقول منى إبراهيم: "العيد ميبقاش عيد غير لو عدينا الأول على حبايبنا اللي سبقونا لمكان أفضل، بنقرالهم الفاتحة ونوزع اللي فيه النصيب صدقة على أرواحهم".

وتقول أمنية: "زيارة المقابر طقس مقدس عندنا، كل أفراد أسرتنا بتتجمع بعد صلاة العيد، وبنروح للمقابر، بس الدنيا اتغيرت عن زمان كتير، الأول كان لازم الستات تلبس اللون الاسود وهي بتزور، دلوقتي مش شرط".

ويستثمر الباعة الجائلين فرصة الزحام أمام المقابر لبيع الألعاب للأطفال، يقول حسين، بائع متجول: "الناس وهي مروحة من المقابر متعودة تاخد حاجة بسيطة تفرح بيها الأطفال بالونة أو طرطور، الشغل كويس الحمد لله بس زمان كانت أعداد الناس اللي بتزور أكتر من كده بكتير".