هذا ما قالته دينا الشربيني عن والدتها في عيد الأم

07:12 م السبت 21 مارس 2020
هذا ما قالته دينا الشربيني عن والدتها في عيد الأم

دينا الشربيني

كتب - هاني صابر:

وجهت الفنانة دينا الشربيني، رسالة لوالدتها بمناسبة الاحتفال بعيد الأم، الذي يوافق اليوم 21 مارس.

وكتبت دينا، عبر حسابها على "إنستجرام"، وعلقت: "كل سنة وإنتِ طيبة..كل سنة وانتِ معانا.. كل سنة وانتِ أجدع وأطيب وأحلى أم فى الدنيا.. أنا وإخواتى من غيرك ولا حاجة، صعب أوي أقدر أعبر عن الحب الجوايا ليكي.. إنتِ حبيبتى، أمي الحنينة الطيبة اللي بتضحكنا من غير ما تقصد، اللي قلبها وجعها علينا طول الوقت، أنا وإخواتي.. عمرى ما هقدر أردلك اللي عملتيه وبتعمليه علشانا.. ربنا يخليكى لينا.. أنا مقدرش أعيش من غيرك.. بحبك يا أمي".

وتابعت: "أكيد اللي أنا كتبته لأمي من قلبي ده، كلكم حاسينه لأمهاتكم.. هما عاشوا علشانا وجه الوقت اللي نعيش فيه علشانهم.. أرجوكم عايزين عيد الأم الجاي يكونوا أمهاتنا وصتينا وربنا يا رب يخليهم لينا.. احموا نفسكم من المرض علشان تحموهم".

واستكملت: "ربنا يخلي كل الأمهات لولادهم يا رب.. أمهاتنا سهروا وتعبوا وعاشوا طول عمرهم علشان يحمونا، ودلوقتي جه دورنا علشان نحميهم.. لو سمحتوا لازم كلنا نخاف على أهالينا أكتر من نفسهم، علشان هما عاشوا طول عمرهم خيفين علينا أكتر من نفسنا".

وأضافت: "اللهم أحفظ لنا أمهاتنا وأجعلهم أسعد خلقك يا رب العالمين.. ربى أسعد أمهاتنا عدد ما ضخ قلبهما وعدد ما رمشت أعينهم وأبعد عنهما كل سوء يا الله.. يا رب لا تحرمنا من أمهاتنا وأبائنا، فلا يعوضنا شئ عنهم وأجعل البسمة لا تفارق شفتاهم أبدًا.. يا رب أطل بعمر أمهاتنا وأبائنا وألبسهما ثوب الصحة والعافية ولا ترينا فيهم أى مكروه اللهم آمين".

الشربيني

كورونا.. لحظة بلحظة

كورونا فى مصر

  • 1070

    عدد المصابين

  • 241

    عدد المتعافين

  • 71

    عدد الوفيات

كورونا فى العالم

  • 1187956

    عدد المصابين

  • 244274

    عدد المتعافين

  • 64055

    عدد الوفيات

إعلان

إعلان