توجيه رئاسي على الهواء.. السيسي لشباب سوهاج: نحلم ونجري على حلمنا

كتب- محمد نصار:

وجه الرئيس عبد الفتاح السيسي، صندوق تحيا مصر، بتوفير التمويل اللازم لعدد من الشباب من أبناء محافظة سوهاج من أجل تنفيذ مشروعات متنوعة عرضوها أمام الرئيس.

جاء ذلك خلال كلمته في افتتاح عدد من المشروعات القومية في سوهاج، اليوم الخميس.

وقال الرئيس السيسي: بشكركم وقبل ما تمشوا الدعم موجود من صندوق تحيا مصر، مش عايز أقول رقم، حطوا أفكاركم في موازنات وإن كان في لجنة تشرف، أرجو كل اللي قولتوه ده نشوفه على أرض الواقع،

وأضاف الرئيس السيسي: أنا قدامي 6 نماذج الـ 6 دول 50% من أفكارهم ممكن يجيبوا نتيجة ممكن، وممكن الـ 100% يجيبوا نتيجة.

وتابع الرئيس: بأقول ده لينا إحنا نحلم ونجري على حلمنا ونصدق إن ممكن يحصل فيه نجاح، مش نقول كلام، قبل ما تمشوا الدعم موجود والأرقام اللي ماتتخيلوهاش موجودة.

وواصل الرئيس: كل واحد هيحتاج إيه مثلا، مليون أو 2 أو 3 علشان الكلام اللي بتقولوه ينجح مش كفكرة لكن ينجح كمشروع، إحنا جاهزين، بأقول مبدئيا الأرقام اللي ماتحلموش بيها هتتوفر ليكم مش من جيب الحكومة، طيب ليه مش من جيب الحكومة، لأن أنا مرتب ترتيبات تانية.