هيدي كرم: الكوميديا في "علي بابا" تجنن وسعيدة بمشاركتي فيه

كتبت- منى الموجي:

نشرت الفنانة هيدي كرم عبر حسابها الشخصي على موقع "انستجرام"، صورة تجمعها بالفنان كريم فهمي، والذي ظهرت في فيلمه الأخير "علي بابا"، كضيفة شرف.

وكتبت هيدي تعليقًا على الصورة "سعيدة جدًا جدًا بنجاح فيلم علي بابا، وسعيدة لمشاركتي فيه كضيفة شرف. فيلم رائع مكتوب بمنتهى الجمال، والكوميديا فيه تجنن وأبطاله زادوه روعة من جمال آدائهم. وتحياتي لـ كريم فهمي مش بس لأنه ممثل شاطر كمان كاتب متميز ومختلف ومبتكر، لما تشوفه برزانته وهدؤه لا يمكن تتخيل انه ممكن يكتب كوميديا مسخرة بالشكل ده".

وتابعت "أما بقا وليد الحلفاوي مع ان ده أول فيلم من إخراجه ولكن حسّيت أني بتعامل مع حد واثق من نفسه وعارف كويس اوي هو عايز إيه، في كل مشهد مذاكر وفاهم ومتمكن.. مبروك يا أصدقائي ومن نجاح لنجاح ومبروك لكل العاملين في الفيلم من ممثلين رائعين ومدير تصوير متميز جدا وكرو إخراج وإضاءه وإنتاج، ومبروك لشركة الإنتاج أحمد السبكي على النجاح الرائع".

"علي بابا" تأليف كريم فهمي، إخراج وليد الحلفاوي، بطولة كريم فهمي، آيتن عامر، صبري فواز، محمد ثروت، أحمد فتحي، إنتاج أحمد السبكي.