بعد حديث إعلامية عن "المشعوطة".. حياة الدرديري: لهذا السبب يبتعد الناس عن الإعلام

كتب- أحمد عبدالمنعم:​

قالت الإعلامية حياة الدرديري، إن مشكلة الإعلام المصري حاليا هو المصداقية، موضحة: "الناس ابتعدت عن الإعلام سمعتها من 99.9% من الناس اللي بشوفهم".

وأضاف في بث مباشر على صفحته الرسمية بموقع التواصل الاجتماعي "إنستجرام": "ليه الناس بطلت تتفرج على التوك شو؟، في رائي المتواضع البسيط اللي مالوش أي لازمة أن المصريين بيفتقدوا مصداقية الإعلام، المصريين عايزين اللي يطلع في الإعلام ميقولش الحياة جميلة والدنيا منورة، لا عايزين يقولهم الحقيقة يقولهم إن الأسعار ارتفعت وبترتفع وهترتفع".

وتابعت: "الناس عايزة من الإعلام اللي يقولهم ياجماعة خلي بالكم علشان الفترة دي عندنا مشكلات اقتصادية وأزاي الناس تعيش المرحلة دي" قائلة: "مفيش شفافية في تناول الموضوعات".

وأضافت: "اللي بيسمعوه في الإعلام حاجة واللي بيشوفوه على السوشيال ميديا حاجة تانية واللي بيشوفه بره مصر حاجة" مشيرة: "إحنا مش في سنة 67 إحنا في 2023 في القرن الواحد وعشرين في زمن السماوات المفتوحة العالمي كله حاجة بتتعمل ولو في جزيرة في أقصى الأرض كل الدنيا بتعرفها".

واستطردت" "مينفعش نقول للناس كلام مش بيحصل ولا هيحصل".. وردًا على سؤال متابعة حول الأيام القادمة، ردت "الدرديري": "لو فتحنا إحنا رايحين فين أنا مش عايزة اتحبس".

وكانت الدرديري قالت في بث مباشر سابق، إن المشهد الإعلامي يحتاج إلى ضبط، خاصة أن هناك إعلاميات يتحدثن في موضوعات لا يجب أن تدخل بيوت ومنازل المصريين، ضاربة المثل بإعلامية لم تسمها قالت إنها تتحدث بالأمثال العامة، وتستخدم ألفاظ مثل "المشعوطة".

View this post on Instagram

A post shared by Hayah Abd Almonam (@hayahabd)