"لو بتدور تقلل الفاتورة إزاي".. القابضة للكهرباء: "الميكروويف" الأقل استهلاكًا للكهرباء
تطبيق مصراوي
لرؤيــــه أصدق للأحــــداث
(مصراوي):
نشرت الصفحة الرسمية للشركة القابضة لكهرباء مصر، معلومات جديدة بشأن الأجهزة الكهربائية الأكثر توفيرًا للكهرباء.
وقالت الشركة في منشور عبر صفحتها الموثقة في "فيسبوك": "لو شاغل بالك مين استهلك أكتر، أعرف مننا واستفسر لو بتدور إزاي تقلل قيمة فاتورة الكهربا وعندك ميكروويف وفرن، بننصحك تستخدم الميكروويف علشان تسخن الأكل أفضل من الفرن.. في حاجتين مهمين علشان نقدر نقييم أي جهاز كهربائي في استهلاك الكهرباء".
وأضافت الشركة: "أولًا- الوات اللي بيستهلكة الجهاز، وثانيًا: عدد الساعات اللي بيشتغل فيها الجهاز، علشان كدا لو قارننا بين الميكروويف والفرن هنلاقي أن الميكروويف متوسط سحبه للكهرباء يتراوح بين 1000 وات في الساعة إلى 1700 وات في الساعة
ودا يعتبر معدل متوسط للاستهلاك مقارنة بباقي الأجهزة المنزلية".
وأوضحت الشركة: "كمان الميكروويف بيشتغل دقايق بسيطة علشان يسخن الأكل، ودا بيخلينا نقلل من سحب واستهلاك الكهربا
اللي بتسخنه في الفرن في نص ساعة، تقدر تسخنه في الميكروويف في 5 دقايق".
فيديو قد يعجبك:
