إعلان

هاني شاكر: "حمو بيكا والدته كلمتني ومش كل اللي يعيط يبقى معاه الحق"

03:29 م الخميس 23 يونيو 2022

كتب- وائل توفيق:

كشف الفنان هاني شاكر، نقيب المهن الموسيقية كواليس أزمة مطرب المهرجانات حمو بيكا وعدم حصول على تصريح نقابة المهن الموسيقية.

وقال هاني شاكر أثناء استضافته في برنامج "مصر جديدة" على شاشة فضائية "etc": "حمو بيكا كان عليك حكم سنتين نهائي، للأسف الشديد هو طلع في رمضان، ومش كل اللي يعيط يبقى معاه حق، يعني إنت طالع بتدعي عليا في رمضان وأنا مشفتش مني غير كل خير، وعمري ما عملتلك حاجة تأذيك، يعني كان عليه حكم سنتين نهائي بالفيديوهات اللي طلع وتهجم فيها على النقابة، وقال أنا هحرق النقابة وأنا أجي أهد النقابة وحاجات كده وخد حكم سنتين، الشئون القانونية رفعت عليه قضية، وقبل التنفيذ على طول أنا والمجلس المحترح الحمد لله تنازلنا عن القضية عشان ميتحبسش".

واستكمل:" لو كنا نفذنا الحكم كان زمانه لسه قاعد مكانش طلع في التلفزيون، كنا عملنا معاه الحوار في طرة، عشان كده كتر خيره أنه طلع دعى عليا في رمضان، ووالدته كلمتني كتير وقت ما كان هيتحبس وأثرت فيا، لأني أنا أولا وأخيرا أنا أب، مفيش بيني وبينه أي حاجة، الفن مش بالعاقبة ومش بالطيبة ومش بالعياط، أنت دخلت الامتحان مرتين وسقطت، وهذا لم يحدث مع أي حد، أنا كنقيب أروح أغني بداله، أروح امتحن بداله، يعني أعمل إيه طيب".

تيشيرت يبـدأ من75 جنيه.. أرخص وأفضل أسعار "لبس العيد" للرجال

تعرف عليها
محتوي مدفوع

إعلان

إعلان

El Market