"هقول رأيي ومحدش يزعل".. نبيل الحلفاوي يوجه رسالة لمدرب الأهلي بعد تعادل فيوتشر

كتب- هاني صابر:

وجه الفنان نبيل الحلفاوي، رسالة لـ "كولر" مدرب النادي الأهلي بعد تعادل الفريق مع فيوتشر ببطولة الدوري الممتاز.

وكتب الحلفاوي، عبر حسابه على تويتر: "بعد كل تجارب كولر هقول رأيي المتواضع واللي ممكن طبعا يكون خطأ. شادي لما اتركن مستواه نزل. شادي دلوقتي هو رأس الحربة الأساسي بل ويكاد يكون الوحيد. تاو يبقى بديل لكريم فؤاد أو الشحات. شريف يبقى بديل لعبد القادر. قفشة بديل لساڤيو".

وتابع: "محدش يزعل.. تاني.. ممكن أكون غلطان. ومحتاجين بشدة لمهاجم تاني".

وفي تدوينة أخرى، أضاف: "بجد بقى.. وبغض النظر عن الفوز في كل الماتشات السابقة.. الفريق لازم يعرف إن اللي عاوز يبقى بطل ما ينفعش يلعب على سطر ويسيب سطر.. لو ما كانش مستواه العالي ثابت يبقى ما يستاهلش بطولة.. وكولر النهاردة عليه عتاب".

وتعثر فريق الأهلي للمرة الأولى في الموسم الحالي (2022-2023) بالتعادل مع فيوتشر بهدف لكل جانب في لقاء أقيم أمس الجمعة، على ملعب "الأهلي WE السلام" ضمن حسابات الأسبوع السابع من بطولة الدوري.

وأصبح رصيد الأهلي (19 نقطة) بفارق نقطتين عن الزمالك والذي تغلب على البنك الأهلي بنتيجة (1-0)، في المقابل ارتفع رصيد فيوتشر إلى (15 نقطة) في المركز الرابع.

بجد بقى.. وبغض النظر عن الفوز في كل الماتشات السابقة.
الفريق لازم يعرف إن اللي عاوز يبقى بطل ما ينفعش يلعب على سطر ويسيب سطر. لو ما كانش مستواه العالي ثابت يبقى ما يستاهلش بطولة.
وكولر النهارده عليه عتاب.

— نبيل الحلفاوي (@nabilelhalfawy) December 16, 2022