عمر خيرت: الراب في مصر تقليد واللي بيفضل في الآخر الشيء الجيد

كتب- مصراوي:

أكد الموسيقار عمر خيرت، أن نشأته في حي السيدة زينب أضاف له الكثير لما عايشه مع الشعب منذ طفوله، معبرا عن عدم تأييده للتقليد غير المنضبط للموسيقى الغربية، قائلا: "التقليد مش مظبوط وعندنا واقعنا وموسيقانا وتقاليدنا وعالم الموسيقى الشرقية موجود".

وتابع خيرت، ببرنامج "حديث القاهرة"، أن الراب في مصر فيه تقليد ولا يصح إلا الصحيح والفن الراقي يعيش، مضيفا: "بتطلع حاجات تتسمع شوية وبعدين تطلع مكانها حاجات تتسمع شوية وتمشي واللي بيفضل في الآخر الشيء الجيد هو اللي بيستمر".

وأَضاف: "مهرجان القلعة كان جميل جدا وأعتبره نجاح للمشروع بتاعي اللي كنت بشتغل عليه وهذا الكم من الناس بمشاركة 25 ألف متفرج من طبقات مختلفة أسعدنا جدا، وفعلا حسيت إني عملت شيء ناجح إن يجي هذا الكم من الناس اللي بيتفقوا على حب الموسيقى".