إعلان

خالد الصاوي: "المحامي كان حاجة مهمة في حياتي.. وأنا راجل مسخرة"

02:27 م الأحد 26 سبتمبر 2021

كتب - هاني صابر :

تصوير- حازم جودة:

أقيمت منذ قليل، ندوة الفنان خالد الصاوي بمهرجان الإسكندرية السينمائي في دورته الـ ٣٧، بحضور عدد من الفنانين بينهم إلهام شاهين ومنال سلامة.

ووجهت الناقدة ماجدة موريس، سؤالين لخالد الصاوي خلال ندوة تكريمه بمهرجان الإسكندرية السينمائى لدول البحر المتوسط في الدورة الـ 37، عن ممارسته لمهنة المحاماة مع والده وتأثيرها على التمثيل وكيف تجاوز هذه الخطوة، ومشاركته في مسلسل القاهرة كابول.

ورد خالد الصاوي على أسئلتها "المحامي كان حاجة مهمة اوي في حياتي، والدي كان قدوة ليا، والمحاماة كان لها علاقة بالفكر السياسي، لاني وانا صغير حضرت فترة بين النكسة ونصر أكتوبر، والفترة دي في دمي، وكانت اول مرة ابويا يعيط وقتها".

وتابع: "قلت لوالدي ليه الروب الأسود، فكان بيقولي لما يتلبس الروب بتكون اخدت دور جديد، وان واجبه الدفاع وأن القاضي لازم يرتدي الوشاح ويقوم بدوره أيضا، وبدأت بعد كده أطبق تجسيد الشخصيات".

وأضاف: "أول ما بدأت أعمل مشهد في التمثيل كانوا بيشوفوني يا ظابط يا وكيل نيابة، بس حاولت أغير وجهة النظر دي، وقعدت فترة مش بعمله خالص، ولما كبرت بدأوا يدوني دور عميد، بس أنا راجل مسخرة وبحب الأدوار المجنونة، ومبحبش نحشر الأخلاق في الفن".

وأضاف: "وأنا في مواقف التكريم والجوائز بحس بإحساسين الأول زي كأني بتفرج علي واحد تاني وتحس ان عندي شوية انفصام شوية، وانا شخصيا بكره فكرة اني عجزت وكمان احساس اني مخلفتش بيخليني افضل حاسس ان جوايا روح الطفل.. واحساسي التاني غريب جدا إن الناس كلها بتكافئك لما تكون مش أنت، وأنا اتولدت في الإسكندرية، وسافرت الصعيد مع أهلي وأنا في خامسة ابتدائي حاولوا يعملوا مسرحية ورفعت ايدي لأني متحمس جدا، وكان في مخيلتي وقتها إن في طيارة تراقبني أو كاميرا خفية في كل مكان".

فيديو قد يعجبك: