فيديو| هل قصد تامر حسني زوجته بأغنية "كرهتني في الحب"؟
تامر حسني وبسمة بوسيل
تطبيق مصراوي
لرؤيــــه أصدق للأحــــداث
كتبت- ياسمين الشرقاوي:
قال الشاعر محمد البوغة صاحب كلمات أغنية "كرهتني في الحب" للفنان تامر حسني، إن انتشار شائعات تفيد بأن الأخير يقصد زوجته بسمة بوسيل بالأغنية عاريا تماما عن الصحة.
وخلال لقاء له ببرنامج The Insider بالعربي، قال "البوغة": "لو فرضنا في حد بيعمل كده إحنا مش هنبقى سلاح قاعدين بنكتب مخصوص لحد عايز يخبط في حد، كل السيناريوهات واقعة، ربنا يباركلهم في بعض أنا بالنسبة لي اللي حصل ده كأني مش شايفه"، مضيفًا "إنتوا بتتكلموا عن شخص أكبر من كدة بكتير".
وردا على شائعة أخرى، تفيد باختلاق تامر حسني لقصة انفصاله عن زوجته كنوع من الترويج لألبومه الجديد قائلًا: "في حد هيبقى بيحط بيته وأسرته وهو في حجم نجوميته والثقة المتبادلة بينه وبين الجمهور وشخص بيحترم نفسه قبل أي شيء هل هيعرض نفسه لـ ده".
أغنية "كرهتني في الحب" ضمن ألبوم تامر حسني المنتظر "خليك فولاذي"، وهي من كلمات محمد البوغة، ألحان محمود الخيامي، توزيع طارق عبدالجابر، ميكس وماستر أمير محروس، إدارة إنتاج هاني صليب.
View this post on Instagram
فيديو قد يعجبك:
