بالفيديو- لحظة انفجار محول كهرباء بالبحيرة وانقطاع الكهرباء عن منطقته

البحيرة - أحمد نصرة:

تسبب ماس كهربي بمحول كهرباء شرق إدكو، بمحافظة البحيرة، والموجود بجوار مدرسة الطويبة، في حدوث انفجار واشتعال النيران به، في الساعات الأولى من صباح اليوم الخميس، وهو ما تسبب في  انقطاع الكهرباء عن المنطقة لمدة تزيد عن 5 ساعات.

وأصيب أصحاب المنازل المجاورة بحالة من الفزع وتعالت صرخات النساء والأطفال كما يظهر في المقطع، قبل أن تتمكن وحدة الإطفاء من السيطرة على الحريق بمساعدة الأهالي.
ويشكو أهالي المنطقة من تعرض المحول لمشكلات متكررة تتسبب في انقطاع الكهرباء نظراً للأحمال الزائدة عليه، والتي لا تقابل بحلول فنية من قبل شركة الكهرباء.

قال أحمد رمزي – مدير مبيعات : " دي مش أول مرة  المحول ده بيضرب كل سنه وبيولع من كتر الضغط اللى عليه وكل مره بيزودو الحمل عن المره اللى قبلها".

وقال يوسف نمير – مدير مصنع نسيج : " اتصلت على شبكة الكهربا ء قبل الانفجار ده عشان يفصلوا الكهرباء ولا حياه لمن تنادي، وأثناء الانفجار ده كان معايا موظف السويتش علي الخط للمره التانية بقوله يا استاذ افصل الكهربا الأول عشان المحول هينفجر رد عليا بكل هدوء أعصاب:  ده في حد كلمني بيقول إن الكهرباء قاطعة مناطق مناطق، قولتله يا سيدي إفصل الكهربا الأول وبعدين اتأكد انا اللي قدام المحول وبعد محايلة فصل بعد خراب ودمار وانفجار المحول".

وأضاف: " لقيت الشارع مليان ناس كتير وكله في حالة ذعر والحريم والأطفال في البيوت المجاورين عمالين يصوتوا من الخوف وناس عماله تطفئ نار بالرمل، وعمال المصنع عندي مع اخويا وجيراننا  بالطفايات، وفي الآخر جت المطافي بعد إخماد النار كالعادة وبعدين حضر بتوع الكهربا بعد ما المطافي مشيت والحمد لله ان جات على قد كده".