"أنا ضد إن الموضوع يبقى خناقة".. حازم إيهاب يعلق على الجدل حول الأكثر مشاهدة في رمضان

علق الفنان حازم إيهاب على الجدل القائم حول المسلسل الأكثر مشاهدة في موسم دراما شهر رمضان 2026.

وقال حازم إيهاب: "أنا وضعي حساس في الموضوع دا وموقفي هيكون سلمي، أحمد العوضي أخويا الكبير وعمرو سعد اشتغلنا مع بعض وبحبه جدًا، والست موناليزا مسلسلي، غصب عني هقول شغلي أحسن شغل".

وتابع: "وجهة نظري أن دي حاجة حلوة أن أحنا الـ3 نقول إننا الأكثر مشاهدة مع فرق أن في مسلسلات في 15 و30 حلقة، هو لما أفتح اتفرج مكتوب على المنصات رقم واحد باخدها أنزلها حد تاني شايف أنه رقم واحد هو حر، أهم حاجة يتقدم للمشاهد حاجة حلوة".

وأضاف: "وأنا ضد ان الموضوع ياخد شكل خناقة، خصوصا إن كل الناس دي في يوم من الأيام هتشتغل مع بعض، أنا مثلا لو ربنا كرمني وعملت مسلسل بطولتي ولقيت ان أنا رقم واحد هاخدها أنزلها، لقيت بعدها مصطفى غريب منزل أنه رقم واحد هدخل أباركله المهم إن أنا وأنت كويسين مش عايز حاجة تاني من الدنيا".

أبطال مسلسل "الست موناليزا"

وشارك حازم إيهاب في رمضان 2026 ضمن فريق عمل مسلسل الست موناليزا رفقة مي عمر، أحمد مجدي، سوسن بدر، محمد محمود، شيماء سيف، وفاء عامر، سلوى محمد علي، وجوري بكر، ومن تأليف محمد سيد بشير، وإخراج محمد علي.

اقرأ أيضًا:
مي عمر ترد على إحدى المتابعات على السوشيال ميديا : "الشماتة في الموت أقذر ما يمكن أن يفعله الإنسان"

ياسمين عبد العزيز لـ مي عمر:"كنت في المستشفى بين الحياة والموت موصلنيش منكم رسالة"