السيسي للأقباط في عيد الميلاد: "إحنا بنحبكم.. مفيش أي تفرقة بينا"

(مصراوي):

ألقى الرئيس عبدالفتاح السيسي، كلمة في كاتدرائية السيد المسيح في العاصمة الإدارية، بمناسبة عيد الميلاد المجيد.

وقال السيسي: "أنا عارف أن دي مناسبة سعيدة وجميلة، أولا خلوني أوجه كل التقدير والاحترام لقداسة البابا وليكم، أنتم متعرفوش مدى المحبة والتقدير اللي أنا بكنه لقداسة البابا، وده مش من فراغ، وأنا المرة اللي فاتت قلت نفس الكلام".

وأوضح: "أولا متخافوش والكلام مش ليكوا أنتم بس، لسببين الأول أن ربنا موجود، وربنا مش هيسيبنا يعني".

وتابع: "في كل مرة أسمع أو الكتاب اللي صدر عن قداسته، مش هنسى أبدا القول اللي قاله إن الأديان تتوافق، ومش لازم الأديان تطابق".

وأضاف الرئيس: "إحنا كلنا لازم نفهم ده ويتأصل في أجيالنا المقبلة، إحنا كلنا واحد بفضل ربنا، إحنا محتاجين نتأكد في كل مناسبة، إحنا واحد إحنا واحد إحنا واحد، مفيش أي شكل من أشكال التفرقة بينا".

وقال: "الكلام اللي أنا بقوله ده مش ليكم انتوا بس، أنا بقوله لكل الناس، إحنا بنحبكو، كل سنة وأنتم طيبين".