السيسي: لم نعكس التكلفة الحقيقية للسلع والطاقة على الشعب

كتب- إسلام لطفي:

هنأ الرئيس عبد الفتاح السيسي العاملين بهيئة قناة السويس وقياداتها على الجهد الكبير المبذول والنتائج الطيبة التي تحققت خلال الفترة الماضية.

وقال السيسي، خلال تدشين مشروعات جديدة بقناة السويس: "أتصور أن تزيد خلال الشهور والسنين المقبلة، والمفروض نفتتح التوسعة الأخيرة للتكريك خلال منتصف العام المقبل، ويكون التطوير اللي استهدفناه من توسعة القناة وازدواجها يتحقق بشكل كامل طبقًا للتخطيط.

وأضاف الرئيس: عايز أتكلم عن السلع وتوفرها والأسعار المرتبطة بيها، فيه كلام كتير بيتقال على أن الأزمة عالمية وليها تأثير كبير جدًا على كل دول العالم وإحنا منهم وده صحيح، بس عاوز أقولكم حاجة وبكررها كتير وحتى لما بقابل وفود من دول تانية، بقولهم إن معالجتنا للأزمة في مصر، مش زي المعالجة بتاعتكم، قولتلهم إننا لم نعكس التكلفة الحقيقية سواء للسلع أو للطاقة على شعبنا، لأن ده كان هيبقى فوق طاقة الناس.​