أول تعليق لزوج البلوجر أحلام بعد ضربها: "سنة أولى زواج وأنا غلطان"

كتب- أسامة علي:

اعتذر أحمد العجمي، مصمم الأزياء، للبلوجر أحلام عادل، بعد إعلان الأخيرة انفصالهما بسبب مشادات وقعت بينهما أثناء رحلة عمرة.

وتحدثت البلوجر أحلام عادل عبر خاصية أستوري بموقع تبادل الصور إنستجرام، عن الأمر قائلة: "أنا رجعت من العمرة مضروبة ومطلقة عشان جبت مصليات لزمايلي الولاد والبنات.. ملحوظة كانت مصلية مش إزازة خمرة".

وقال "العجمي"، في مقطع فيديو عبر صفحته الشخصية على "انستجرام": "أنا أول مرة اتكلم فيديو.. حصل بيني وبين أحلام شد في العمرة وزقيتها ودا مكنش لازم يحصل خالص.. ولما رجعنا من العمرة صالحتها وكنا كويسين وحصل خلاف تاني وزعلت مني".

تابع: "هي افتكرت كل اللي كنت بعمله.. أتمنى أنها متزعلش مني والدنيا تروق، أنا غلطان، وانتوا تدعولنا أن ربنا يصلح الحال سنة أولى جواز فيه شد وبنطبع على طباع بعض وربنا ييسر الدنيا".

وأضاف: "هنروح لحد متخصص عشان نعرف إزاي نتعامل ونتفاهم مع بعض، كل اللي محتاجه منكم انكم تدعولنا ربنا يهدينا والكلمة الحلوة في الوقت دا بتبقى كويسة".

كانت أحلام قد شرحت ما تعرضت له في رحلة العمرة مع زوجها في مقطع فيديو، ونشرت مقطعًا صغيرًا فقط، وحذفته بسبب انهيارها معلقة عليه: "أنا صورت كتير وفي الآخر بعيط وبنهار وحسبي الله ونعم الوكيل بجد".

جدير بالذكر أن البلوجر أحلام تزوجت من مصمم الأزياء أحمد العجمي في 10 مارس من العام الجاري.اضغط هنا

​