ياسمين عز: "اعملي شاي وساندويتش لجوزك.. الراجل هو الحياة" (فيديو)

كتب- محمد شاكر:

علقت الإعلامية ياسمين عز، على إعلان الفنانة شيرين عبدالوهاب عودتها لزوجها السابق الفنان حسام حبيب، بعد العديد من المشكلات والقضايا بينهما، قائلة: "كان نفسي أعمل تسريحة أم العروسة علشان شيرين رجعت لحسام بس مكنش فيه وقت، فقولت ألبس أبيض علشان احتفل بالخبر ده".

وقالت في برنامج "كلام الناس" المذاع عبر قناة "MBC مصر"، اليوم السبت: "بقول لحكيمات السوشيال ميديا بدل ما تنظري على شيرين وكرامتها، روحي اعملي كوباية شاي وساندويتش جبنة رومي سايحة لجوزك أكرملك من التنظير على شيرين وغير شيرين".

وأضافت: "مفيش نجومية ولا جمال ولا عيال فلوس تغني عن وجود الراجل، وشيرين قدامك نموذج، كان ممكن تشغل نفسها بطرق كتير، بس كل ده لا يعوض عن وجود الراجل في حياة الست".

وتابعت: "الراجل يعني الحياة، والباقي كله شوية مكملات".