أخر تطورات أزمة مصطفى فهمي وفاتن موسى.. محامية الأخيرة تُعلق

كتب - هاني صابر:

كشفت إيناس فوزي محامية الإعلامية اللبنانية فاتن موسى، مستجدات جديدة حول أزمة طلاق موكلتها من الفنان مصطفى فهمي.

وقالت محامية طليقة مصطفى فهمي، ببرنامج "ET بالعربي": "في نيابة الدقي حررنا محضر بلطجة واستعراض قوة وسيطرة علشان كانوا حابسين مدام فاتن في شقة الزوجية من بعد عصر يوم الأربعاء لغاية لما عملت استغاثة للنيابة على النت برسالة، وأدولها رقم فحص وتحقيق واستنت إن حد يجيلها مفيش، وبعدها انهارت".

وتابعت: "كانوا مانعين عنها أي حاجة، على الساعة 10 بالليل يوم الخميس قلت لها اتصلي بالنجدة وأنا جيالك على أساس كل الناس بقت خايفة تجيلها حتى الحارس اللي كان بيحرسها خاف، وقعدوا يقولوا لها وقتك انتهى ومصطفى بيه الباشا بتاعنا يقدر ييجي في أي وقت حتى الفجر.. ده بيته وهو حر يعمل اللي هو عايزه.. بعدها اتصلنا بالنجدة وجت وعاينت ولقت الراجل موجود قدام باب الشقة لزق والبواب بيحميه، والأدوات اللي كان بيستعملها عصاية وسكينة بيخبوها في أوضة البواب وبيقولوا لها وقتك خلص".

وأضافت: "بسبب كلمة وقتك خلص، قلت لها لازم تتصلي بالنجدة عشان تعمل لك حراسة، بعدها اتحرر محضر والبواب والبلطجي اتحبسوا وإحنا في النيابة علشان نبتدي تحقيق قضائي، وهما قالوا مصطفى باشا فهمي بيقول لنا اعملوا كده، إحنا بننفذ أوامر الباشا بتاعنا.. ربنا هيجيب حقها علشان هما بيتعرضوا لها في نفسها وشرفها وبيهددوها بصور".

وكانت النيابة العامة بشمال الجيزة، قررت السبت، إخلاء سبيل فرد أمن وحارس عقار الفنان مصطفى فهمي، بعدما اتهمته الإعلامية فاتن موسى طليقة الأخير بتهديدها بالقتل.

وأنكر حارس العقار الاتهامات الموجهة إليه، وأكد أنه لم يعترضها حينما حضرت بصحبة أشخاص آخرين لم يعرفهم، وصعدت إلى الشقة وقت أن كان الفنان مصطفى فهمي خارج البلاد، وأخذت متعلقاتها وكل ما أرادت أن تحصل عليه من داخل الشقة، وأن هذه الواقعة مثبتة باعترافها وحديثها على منصات التواصل الاجتماعي المختلفة، ونشرت صورا على حسابها بتلك المنصات، تخبر متابعيها "أنها بداخل الشقة".

وكانت استدعت النيابة العامة كلا من الفنان مصطفي فهمى وطليقته الإعلامية فاتن موسي لسؤالهما حول الاتهامات المتبادلة فيما بينهما.