"نضف قلبك من الغل والصفار".. تفاصيل خناقة حمو بيكا وتامر عبدالمنعم

01:16 م الخميس 25 نوفمبر 2021

كتبت- منال الجيوشي:

ضجة كبيرة أثارتها "خناقة" مغني المهرجانات حمو بيكا، والفنان تامر عبدالمنعم، بعد الندوة التي أقيمت مؤخرا في قصر السينما بجاردن سيتي، بحضور نقيب المهن الموسيقية هاني شاكر.

البداية

بدأت القصة حينما أصدرت نقابة المهن الموسيقية يوم الأربعاء الموافق 17 نوفمبر، قرارا بمنع 20 من مطربي المهرجانات من الغناء، من بينهم: حمو بيكا، حسن شاكوش، كزبرة، حنجرة، وآخرون.

"صوتي وحش بس عاجبني"

أثار قرار نقابة الموسيقيين بمنع مغني المهرجانات حمو بيكا و20 آخرين من الغناء، غضب "بيكا" الذي نشر مقطع فيديو عبر حسابه الرسمي بموقع فيسبوك يعلن فيه استيائه من القرار.

وقال بيكا: "أنا طالع أتكلم إني فرحان وسعيد عشان بسمع القرار بقالي 5 سنين، اتكلمت كتير وتعبت واتعملي محاضر كتير، وعايز أقول حاجة واحدة، لما بتوقفني إنت بتوقف ناس معايا فاتحين بيوت".

واستكمل: "لو حضراتكم بتقولوا إني لا أصلح للغنا، فيه ناس كتير في المجال لا يصلحوا للغناء وبيغنوا ومعاهم كارنيهات، ومش عايز أقول أسامي لأن دول صحابي وواكل معاهم عيش وملح".

وأضاف: "أنا مش مطرب أنا مؤدي مهرجانات صوتي وحش بس عاجبني وعاجب الناس اللي بتسمعنا، أنا مش كروان ولا صوتي جنان، فيه ناس أصواتها جميلة بس معندهاش حظ، مش عايز كارنيه النقابة بس اعملولنا تصريح، إحنا مش بنغصب حد يحبنا أو يسمعنا، يا أستاذ هاني شاكر إحنا بنحبك قدر إننا عيالك إحنا مش طالبين غير إننا نشتغل، لازم تساعدنا مش تحاربونا، إحنا مش في صراع أو حرب".

النقيب يكشف أسباب منع بيكا من الغناء

في مداخلة هاتفية مع برنامج "على مسئوليتي" للإعلامي أحمد موسى بتاريخ 22 نوفمبر، قال الفنان هاني شاكر نقيب المهن الموسيقية إن مطرب المهرجانات حمو بيكا رسب مرتين في امتحان النقابة رغم مساعدة نقابة المهن الموسيقية له من خلال أحد المدرسين لتعليمه، وأضاف أن حمو بيكا لم يذهب للمدرس إلا مرة واحدة ورسب بعد ذلك في الامتحان.

ندوة بقصر السينما

يوم الثلاثاء الماضي، الموافق 23 نوفمبر، أقيمت ندوة بقصر السينما بجاردن سيتي بعنوان "إشكالية العلاقة بين الفن وحرية الإبداع" أدارها الفنان تامر عبدالمنعم رئيس قصر السينما، وحضرها نقيب الموسيقيين الفنان هاني شاكر، والموسيقار حلمي بكر، الفنان أحمد صيام، المطرب شادي شامل، وعدد من أعضاء نقابة المهن الموسيقية.

وخلال الندوة صرح النقيب أن حمو بيكا رسب في امتحان النقابة، ولكن من حقه الإلتحاق بامتحان النقابة القادم بعد عام من الآن، وعليه أن يتمرن على الأمر.

"عصر أم كلثوم وعبدالحليم كان زمان"

عبر حسابه بموقع فيسبوك، ظهر حمو بيكا في بث مباشر هاجم فيه نقيب الموسيقيين والفنان تامر عبدالمنعم قائلا: "لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبدالمنعم ويقولك أنا مش هتكلم غير لما الناس تنزل من على المسرح، المكان اللي عامل عليه الندوة ده اسمه المنصة، متقولش مسرح إنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي".

وتابع: "عاملين ندوة كبيرة وطالعين تستهزأوا بينا، أنت متستهزأش بيا، عصر أم كلثوم وعبدالحليم كان زمان مش دلوقتي خالص، إحنا في سنة 2021 وده جيلنا وعصرنا إحنا بعد إذنكم، وحدوا الله ومش تحسسونا إن إحنا بيئة، أنتم شايفينا كده عشان عايزين تشوفونا كده، الظلم حرام، وأنا بتكلم عن نفسي، وبقالي 5 سنين وغنيت إسفاف ولكن ده من زمان، ووقتها مكنتش أعرف يعني إيه نقابة ولما عرفت بطلت ومفيش كلام خارج بيطلع مني".

وأضاف: "إحنا في عصر السيسي بلد الحرية والعدل والقانون، وأنتم عايزين البلد ميبقاش فيها حرية، وطول ما في ملايين وأطفال بيحبوا حمو بيكا، يبقى أنا لسه مكمل المشوار، ومتقدرش تمنعني، حرام عليكم".

"شوف حد يقرأ لك"

رد الفنان تامر عبدالمنعم، على مطرب المهرجانات حمو بيكا بعد حديث الأخير عنه، بأنه أكثر وطنية منه، وكتب عبر حسابه على "فيسبوك": "السؤال للدكتور حمو بيكا ولا ما حموهوش.. أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش"

وأضاف: "أما بالنسبة لوطنيتك اللي اقحمتها في الموضوع.. أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه، شكرا.. نسيت أقول لك شوف حد بيعرف يقرأ عشان يقرأ لك".

"نضف قلبك من التنمر"

رد حمو بيكا، على الفنان تامر عبدالمنعم، عبر حسابه الرسمي بموقع فيسبوك، بعدما طالبه الأخير بالبحث عن شخص "يقرأ له".

وكتب بيكا: "رداً على كلام المدعو تامر عبدالمنعم، الحمد لله أنا مش مستني حد زيك يقولي اقرأ أو مقراش، أنا معايا إخواتي هما عيني وضهري".

وتابع: "أنا بقى اللي بقولك شوفلك حد ينضف قلبك من الغل والصفار والتنمر اللي فيه يمكن ربنا يكرمك وتلاقي اللي يديك دور تمثله ولا حاجة".

واستكمل: "حسبي الله ونعم الوكيل في كل شخص معاه سلطة وبيتحكم في خلق الله احنا معانا ربنا مش سلطة وقرارت وحقي هاخده".

كورونا.. لحظة بلحظة

أخبار الكورونا
889

إصابات اليوم

51

وفيات اليوم

1109

متعافون اليوم

364922

إجمالي الإصابات

20821

إجمالي الوفيات

303368

إجمالي المتعافين

إعلان

Masrawy Logo loader

إعلان

  • خدمة الاشعارات

    تلقى آخر الأخبار والمستجدات من موقع مصراوي