• بعد اتهامها بالإساءة لمصر.. 7 تغريدات جديدة لشيرين عبد الوهاب

    09:53 م الأحد 24 مارس 2019

    كتب- مروان الطيب:

    خرجت الفنانة شيرين عبدالوهاب عن صمتها بعدد من التغريدات، ردت بها على ما أثير حول أزمة حفلها الأخير في البحرين، واتهامها بالإساءة لمصر، وما أعقب ذلك من قرار نقابة المهن الموسيقية إيقافها عن العمل والتحقيق معها.

    وعبر حسابها الرسمي على "إنستجرام"، قالت شيرين: "عاوزة أتكلم من قلبي مع كل واحد من أهل بلدي الحبيبة، ومن أهلي وأصدقائي وزملائي اللي قدروا يفهموا ويصدقوا إني لا يمكن أسيء لبلادي اللي أنا كلي من خيرها ولا يمكن أنكر فضلها عليا، بجد بشكركم وبحبكم، وبعتذر للي أساء فهم كلامي من كل قلبي".

    وأضافت في تغريدة أخرى، مهاجمة عددا من القنوات الإعلامية خارج مصر، قائلةً: "بالنسبة للقنوات المأجورة من خارج مصر، اللي خدت كلامي وخرجته عن سياقه تمامًا، وحاولت تستغله ضد بلدي، بقولهم إن بلدي خط أحمر، وعمركم ما هاتفرقوا بيني وبينها".

    واستكملت: "أحب أوضح لكل الناس اللي حقهم يعرفوا إن ما كتب عني في الصحافة ونسب لي غير صحيح بالمرة، وتقدروا تتحققوا من صحة كلامي من الفيديو الموجود مع إنه ممنتج عن قصد علشان يطلعني غلطانة، وما قيل على لسان النقابة والصحافة إني قلت أنا هنا أتكلم براحتي عشان اللي بيتكلم في مصر بيتحبس، وطبعاً ده مش حقيقي، وما قلتهوش، لأن الكلمة بتفرق".

    وأنهت تغريداتها قائلة: "أنا كنت بتكلم عن موقف شخصي لما هزرت على المسرح من قبل ورفعت عليا دعاوى وصدر حكم بسجني سنة وسددت الكفالة، واستأنفت واتلغي الحكم في الاستئناف، وبعدين اترفع عليا جنحة مباشرة عن نفس الواقعة، واتحكم فيها بعدم اختصاص القضاء المصري، بما وقع في الشارقة، هذا ما كنت أقصده والله أعلم بالنوايا"، واختتمت: "بحبك يا بلدي مهما حصل، ودايمًا تحيا مصر".​

    إعلان

    إعلان