إعلان

أحمد زاهر لمنتقدي صورته مع ابنته: "ليه بقينا وحشين كده"

12:38 ص الإثنين 27 يوليه 2020
أحمد زاهر لمنتقدي صورته مع ابنته: "ليه بقينا وحشين كده"

كتب – معتز عباس:

عقب الفنان أحمد زاهر، على واقعة تنمر بعض الأشخاص عبر مواقع التواصل الاجتماعي على صورته مع ابنته ليلى بجوار "البيسين"، قائلًا:"ليه إتغيرنا ؟ وليه بقينا وحشين كده ؟ ليه بنحاول نجرح في الناس بالشكل ده ؟، وليه بنجرح في أطفال وشباب صغيرين ليه؟".

وأضاف "زاهر"، في مداخلة هاتفية عبر برنامج "القاهرة الآن"، المذاع على فضائية "الحدث"، اليوم الأحد، قائلًا: "لو مش عاجباك الصورة سيبها ياخي وعدي عليها ده حسابي الشخصي وانا حر فيه، متابعًا: "أنا صورت الصورة وانا حاضن بنتي ومش باين فيها إلا دراعها ومداري كل حاجة، ومستحيل أطلع صورة بنتي بمايوه.. دا فين ناس بتقولي عيب تحضن بنتك".

وتابع: "دي بنتي حتى مني أحضنها زي ماانا عاوز .. إحنا عيلة محترمين في لبسنا وشكلنا، وبنحافظ على كل حاجة وده أسلوب حياتنا، الصورة دي من فترة والشتايم عمالة تزيد على نفس الصورة وبيشتموني بأفظع الشتايم المهينة اللي مينفعش تتقال على الهواء، أنا بتصور مع بنتي مش واحدة من الشارع".

واختتم قائلًا: "أنا عن نفسي لما حد بيشتمني بعمل ديليت وبلوك لكن بناتي لا ده حاجة وجعتني ووجعت بناتي وصحباتهم إتصلوا بيهم.. وهقدم بلاغ في مباحث الانترنت ضد أي حد يشتم بناتي مش هسكت زي شريف منير الي بدأ بده".

فيديو قد يعجبك: