عمرو أديب عن خسارة الأهلي من بيراميدز: "يارب يفضل على كدا"

كتب- محمد أبوالمجد:

علق الإعلامى عمرو أديب، على فوز نادي بيراميدز على النادي الأهلي بهدفين للاشئ، قائلًا: "يا روحي ويا عيني على الأهلي يارب يفضل على كدا تمام"، مضيفًا: "هيجرا ايه تاني يارب لو الأهلي فضل مغلوب على طول مش هيجرى حاجة ولا هنصحى بكره نلاقي البنزين رخص".

وقال "أديب" في خلال تقديمه لبرنامجه "الحكاية" على فضائية "إم بي سي مصر" اليوم السبت: "برشلونة وريال مدريد بيتغلبوا والأهلي اتغلب النهاردة يبقى فلة شمعة منورة، وهدف بيراميدز الأول كان تحفة"، موضحًا: "يارب يا حنان يا منان الأهلي يفضل في التمام والزمالك ياخد الدوري بأذن الله".

وتابع: "هزيمة الأهلي في مصلحة بيراميدز والزمالك وفيوتشر ومش في مصلحة الأهلي"، موضحًا: "مبروك للزمالك فوزه النهارده على المحلة ولولا الحارس محمد عواد كان الزمالك هيبقى عنده نتيجة تانية خالص، عواد عمل ماتش عالمي وبن شرقي لما يمشي هنفتقد اللمسة الذهبية والزمالك عمل أداء عظيم كان جمهور الزمالك وكان جمهور جبار وابتدينا نحس بالجماهير في الاستاد".

وأردف "أديب": "بعد المباراة دي هنتكلم عن دوري آخر.. ودي حاجة كويسة، السنادي حاجة مختلفة خالص، يا نهار أبيض"، موجها التهنئة لنادي بيراميدز بعد فوزه على النادي الأهلي، مختتما تعليقه قائلا: "زمالك".