"غير طبيعي وأسطوري".. عمرو أديب عن وصول "مو صلاح" للهدف الـ 150 مع ليفربول

كتب- محمد أبوالمجد:

علق الإعلامي عمرو أديب، على وصول النجم محمد صلاح، قائد منتخب مصر ونجم فريق ليفربول الإنجليزي لـ 150 هدف، مع فريقه، قائلًا: " لما بتكلم عن محمد صلاح بحب اتكلم عنه أنه نموذج ومثل أعلى، ووأنا في نهاية حياتي العملية لما بشوف صلاح بلقط منه حاجات وببقى عايز أعمل اللي بيعمله في طريقة تفكيره".

وأضاف "أديب" في خلال تقديمه لبرنامجه "الحكاية" على فضائية "إم بي سي مصر" اليوم السبت: "أعظم شيء في صلاح هو الاصرار على الاستمرار، ولما قابلته قالي حاجة مش عايزة تخرج من دماغي قالي أنا كل تفكيري أخد الكورة وأروح للجول"، موضحًا: "اللي يسمعها يقول كورة لكني سمعتها أن اللي عايز حاة ياخدها ويروح لها".

وتابع: "صلاح في فكره شيء واحد أن يذهب للجول، دا أحرز 150 جول مع ليفربول وهو رقم قياسي تاريخي، وجاب جول مزيكا يا ولاد"، موضحًا: "صلاح يميل للتنويم وبيقولك بلعب كورة الشارع وهو في دماغه كل مرة أشوفك فيها يبقى نفسي أه".

وأردف: "كل مرة يعمل نفس الحاجة ياكل 3 يمين و3 شمال، والنهاردة فعلها مو صلاح، المذيع وهو بيعلق قال اسم صلاح وهو بيجيب الجول 11 مرة، الولد غير طبيعي"، مؤكدًا: "مدرب صلاح يورجن كلوب، قال إن الفرقة تاريخية وجزء من تاريخها هو محمد صلاح حاجة تسعدك وتوري أن مفيش مستحيل".

وأشار، إلى أن صلاح أعطى رسالة أنه يحاول مرة أخرى ويأخذ طاقة وبيقوم من تحت الرماد، مؤكدًا: "الجول الـ 150 يؤكد أن صلاح غير طبيعي وأسطوري".