إعلان

السيسي يكشف سبب ظهوره في مداخلات بالبرامج التلفزيونية

11:52 ص السبت 21 مايو 2022

الرئيس عبدالفتاح السيسي

كتب- أسامة علي:

كشف الرئيس عبدالفتاح السيسي سبب ظهوره التلفزيوني إعلاميا في مداخلات هاتفية عبر البرامج الفضائية.

وقال السيسي، خلال افتتاح مشروع مستقبل مصر، اليوم السبت: "كتير مننا بيقول.. إحنا ليه بندخل أحيانا في البرامج وهي بتتعمل.. هوا عنده وقت يتفرج؟.. أه طبعا.. أنا عايز اطمن إحنا هنشكل فهمنا ووعينا للناس إزاي.. عايز اطمن يا ترى زمايلي الإعلاميين الموجودين وحتى ضيفوفهم لما بيتناولوا قضية من القضايا، بيتناولوها بشكل شامل وعميق بحيث اللي بيسمع بيستفيد، ولا محتاجين نعزز الكلام أكتر، ونلقي الضوء عليه أكتر".

وتابع الرئيس السيسي: "الكلام اللي بيقوله بهاء -مدير مشروع مستقبل مصر- ووزير الزراعة، مش عايز أقول إني حافظه، لما بقول اعملوا حسابكم في 100 ألف فدان صوب، الناس تقول ياه أنت هتصرف 100 مليار جنيه للصوب.. أنا في تحدي إن ألبي طلباتكم وألبي لبلدي وأهلي وناسي مطالبهم وهعرف بفضل الله إزاي أعمل دا.. أنا عرفت وبجري عليه".​

فيديو قد يعجبك: