إعلان

نحلت وَبَر الدولة يا كامل.. السيسي يمازح وزير النقل بشأن مشروعات النقل

01:42 م الإثنين 05 ديسمبر 2022
نحلت وَبَر الدولة يا كامل.. السيسي يمازح وزير النقل بشأن مشروعات النقل

الرئيس عبد الفتاح السيسي

كتب- أحمد مسعد:

قال الرئيس عبد الفتاح السيسي إنه يجب الحفاظ على المجتمعات المنشأة حديثًا، مضيفًا: "إحنا مش هنبني مرة ونفرح ونمشي.. دي حياة ناس واحنا مسؤولين عنها".

وخاطب الرئيس السيسي الفريقَ كامل الوزير، وزير النقل، خلال مراسم افتتاح محور التعمير "محور أبو ذكري" التي شهدها الرئيس السيسي اليوم الإثنين، قائلًا: لازم تخلي الطريق 6 و6 حارات، ولو أكتر يا كامل يكون كويس، لو تصورت إن 1500 فدان، منها 400 فدان صناعي، يبقى فيه حركة كبيرة جدًّا.

ورد كامل الوزير قائلًا: هنحاول ونحرك المرافق، وهنتكلم فيها شوية.

وتابع الرئيس السيسي: هيبقى فيها نصف مليون شخص تقريبًا، اضرب في 4 أفراد متوسط الأسرة.

ومازح رئيس الجمهورية وزيرَ النقل: الأرض بتاعتك بتاعة السكة الحديد غالية أوي، ومش عايز يدي حاجة يا دكتور مصطفى؛ يقولك أرضي، يا عم إنت نحلت وبرنا بالفلوس اللي أخدتها.. يا محمد يا زكي، نَحَل وبر الدولة بمشروعات النقل بتاعته، يقول لك لأ ده حرم السكة الحديد بتاعتي.. كانوا بانيين عليها زمان وعشوائيات، تقول لأ؟

ليرد كامل الوزير: يا فندم أنا رُحت للقائد العام، وموجود سيادتك أهوه، قُلت له يا فندم خدوا اللي انتم عايزينه، بس نكتب ورق؛ عشان نحفظ حق السكة الحديد.

وعقب الرئيس السيسي: طب أنا موافق يا كامل.. ماشي يا محمد، قُل له المحاور اللي اتعملت دي إدينا تمنها دلوقتي.. سيب وأنا أسيب.​

سوق مصراوى

فيديو قد يعجبك:

محتوي مدفوع

إعلان

El Market