السيسي: كان لازم نحسن الطرق عشان الناس مش بس الاستثمار

كتب- محمد عمارة وأحمد السعداوي:

قال الرئيس عبد الفتاح السيسي، رئيس الجمهورية، إن كلامه يسمعه كل الوزراء، "يقولون احنا حققنا كتير جدًّا.. كتير إيه، احنا عايشين على مستطيل و10 ملايين مركبة، لازم العلم يحقق الحركة بسهولة وكفاءة على مدار اليوم، غير ده يبقى محققناش حاجة.. احنا عايشين على 60 أو 70 ألف كم متر مربع من مليون كم مربع".

وأضاف السيسي، عبر كلمته خلال فعاليات المؤتمر الاقتصادي مصر 2022، اليوم الأحد: بتتكلموا على 7 تريليونات جنيه وشايفين إنها مبلغ كبير جدًّا، انتم شايفين كده؟ ده يساوي 350 مليار دولار، فيه دول أقل مننا موازنتها قد الرقم ده، 7 تريليونات رقم متواضع جدًّا.

واستكمل رئيس الجمهورية: كان لازم نحسن الطرق لصالح الناس مش بس عشان الاستثمار؛ تفتكروا حجم المال المطلوب عشان ينفق على مصر بحجمها كام؟

دكتور مدبولي بيقول عملنا 21 ألف فصل، المفروض يكونوا 60 ألف فصل، بس احنا مش عندنا.

وأضاف السيسي: محتاجين في الصحة قد المستشفيات الموجودة دي، طب ماعملتش ليه؟ ماقدرش.. ده اللي انتوا عايزين تعرفوه، عشان يتعمل محتاج جهد وتضحية.

وشهد الرئيس عبدالفتاح السيسي، اليوم، انطلاق فعاليات " المؤتمر الاقتصادي- مصر 2022" الذي تنظمه الحكومة على مدار 3 أيام في العاصمة الإدارية الجديدة.

وحضر فعاليات انطلاق المؤتمر الاقتصادي رئيس مجلس الوزراء الدكتور مصطفى مدبولي وعدد من الوزراء وكبار رجال الدولة، بمشاركة نخبة واسعة من كبار الاقتصاديين والمفكرين والخبراء.

ويستهدف المؤتمر التوافق على خارطة الطريق الاقتصادية للدولة خلال الفترات المقبلة، واقتراح سياسات وتدابير واضحة تُسهم في زيادة تنافسية ومرونة الاقتصاد المصري، كما سيشهد المؤتمر الإعلان عن عدد من الحوافز لقطاع الصناعة والمصدرين لتحقيق المستهدفات القومية.