فريدة سيف النصر
تابعنا على
انتقدت الفنانة فريدة سيف النصر بعض المشاهد التي تُعرض في الأعمال الدرامية هذا العام ورفضها لفكرة الصداقة أو العلاقات بين الفتيات والسائقين أو أفراد الأمن داخل الأحداث.
ماذا قالت فريدة سيف النصر
وكتبت فريدة سيف النصر عبر حسابها الخاص على موقع التواصل الاجتماعي "فيسبوك": "لا حول ولا قوة إلا بالله، مش عايزة أتكلم بس ما قدرتش، يا جماعة ماينفعش أجيب مثلًا أمن أو سواق مع بنتي يحافظ عليها، وألاقي الأمن داخل غراميات مع اللي بيحرسها. وبنتي عند أبوها وسواقها بيزعق لها وغيران.. يعني بتفهموا اللي بيشتغلوا يعملوا إيه بالظبط.. آه كلنا ولاد تسعة، بس كده غلط، إحنا بنفتح عينين على حاجات تودي في داهية، نمشي الناس اللي جايبينهم ونجيب ستات ولا نهبب إيه؟ ده كلام".
وتابعت: "والمفروض البنت تصارح أهلها وما تسمحلوش يكلمها كده.. وهو المفروض جاي يبلغ أبوها بأي حاجة.. إحنا هانخيب ولا إيه.. طبعًا الكلام ده تمثيل في مسلسل أنا شخصيًا بحبه وبحب نجمته جدًا ومؤلفه وكلهم. بس برضه مش كده، إحنا مش أجانب، وأنا كأم ولي حفيدتين ماينفعش يلاقوا ده عادي، علاقات وصداقة مع جارد أو سائق وغيره".
وأضافت: "وإيه الكلام الفاضي ده، واللي عندنا بيقلدوا هو الوحش قبل الكويس، ربنا يستر على ولادنا والله ونرجع نلوم على السواقين، ياريت ماحدش يزعل من صراحتي، وأنا مش عنصرية لكن مش لازم ننسى إن في أصول، ملحوظة: كمان فكرة المساكنة عند الكدواني قومتني من على الكنبة قفزًا والله، هكتبها لوحدها".
لحساب زكاة الفطر وفدية الصيام اضغط هنا
لمعرفة مواقيت الصلاة وموعد الأذان اليوم اضغط هنا
استفتاء مصراوي| صوّت للأفضل في دراما رمضان "مسلسلات ونجوم وصناع"
