دانا حمدان تنشر لحظة انقاذ قط بعد يومين من وجوده في ماسورة (فيديو)

القاهرة- مصراوي:

عبرت الفنانة دانا حمدان عن سعادتها بانقاذ قط ظل عالقا في ماسورة بمنزلها ساعات طويلة.

ونشرت دانا فيديو من منزلها، أثناء تواجد فريق من الدفاع المدني، ساعدها في انقاذ القط، وظهر صوتها فرحا، وهي تردد: "يا روح قلبي انتي، شكرا بجد مش عارفة أقولكم إيه".

وكتبت في تعليقها على الفيديو المنشور على حسابها عبر "انستجرام": "انقاذ قط عالق في ماسورة بعد مرور يومين كاملين وعمل اكتر من ١٢ ساعة متواصلة.. أنا عاجزة عن الشكر والتقدير والاهتمام والاتقان من فريق الدفاع المدني جميعا، وكل الظباط اللي تكرموا وجم بنفسهم واهتموا لأخر لحظة، بجد تعبتو معايا جدا من ٤ الفجر لحد دلوقتي.. مثال مشرف وراقي للإنسانية".

وأضافت "حنزل فيديو كامل عن الحكاية كلها وعملية الانقاذ قريبا، فرحانة الحمد لله ربنا جبر بخاطري وبجد فعلا ازاي بس يا شبر ونص تعمل كل دا فينا".

كانت دانا كشفت عن حاجتها لمساعدة في انقاذ القط العالق في الماسورة، وبعدها كتبت "مشكورين الدفاع المدني والبلاغات جم عندي دلوقتي بس مقدرناش نكسر علشان الوقت متأخر جدا، وحنكمل بكره إن شاء الله. القط لسه عايش ويا رب نقدر نطلعه، شكرا بجد لكل حد شير البوست ودعمني، وشكرا للدفاع المدني على سرعة الاستجابة".

View this post on Instagram

A post shared by Dana Hamdan (@dhamdanofficial)