إعلان

فيديو| مايان السيد تبكي وتكشف حقيقة تعرضها لـ"التحرش" من ممثل

05:22 م الأحد 05 يوليه 2020

مايان السيد

كتبت- بهيرة فودة:

تزامنًا مع قضية "متحرش الجامعة الأمريكية" أحمد بسام زكي، الذي تحرش بعدد من الفتيات وحاول تهديدهن بمقاطع فيديو وصور.

كشفت الفنانة الشابة مايان السيد إنها تعرضت لـ"التحرش" من قبل زملاء لها، ومنهم زميل ممثل، ونشرت مقطع فيديو، عبر حسابها بموقع "إنستجرام"، قالت فيه :"أنا افتكرت حاجات حصلتلي أنا شخصيًا، مرة زميل ليا حاول إن هو يتحرش بيا، وكان صديق قريب، والحمد لله قدرت أمنعه، عمري ما وجهته، ساعتها ما كنتش مدركة أن دا كان تحرش، ولما كبرت فهمت، ما كنتش مصدقة أو مستوعبة".

وأضافت مايان: "بعدها بسنتين زميل ليا في الشغل ممثل، حاول بردو أنه يتحرش بيا، وأنا كنت غضبانة جدا، وماكنتش عارفة أقول إيه، بس أنا سكت".

وتابعت مايان: "أنا دلوقتي عرفت قد إيه أن صوتي مهم وأن أنا ماينفعش إن أي حد يتحرش بيا لفظيًا، يعني من فترة حسابي على الفيس بوك اتسرق، وحد هددني بصوري لو مدلوش فلوس هيركبها على صور تانية، بس خلاص أنا مش هسكت تاني".

وأكملت مايان: "أي حد هيتعرض كلام أو تحرش، مش هسكت لأن أنا صوتي بقى مسموع، بسبب البنات اللي طلعت واتكلمت، بوعد نفسي إني مش هسكت و هقدم بلاغ".

واختتمت مايان حديثها وهي باكيه: "عايزة أمشي في الشارع أحس بأمان، عايزة أفتح تليفوني أحس بأمان، عايزة أخرج مع صحابي أحس بأمان، واشتغل مع زملائي أحس بأمان، وأنا مش حاسه بأمان".

View this post on Instagram

A post shared by Mayan El Sayed مايان السيد (@mayanelsayed) on

فيديو قد يعجبك: