إعلان

مواقع التواصل الاجتماعي تشعل شرارة الثورة ضد الأسعار: "مش هنشتري"

03:25 م الخميس 16 فبراير 2017

القاهرة - (مصراوي):

أطلق عدد من نشطاء مواقع وتطبيقات التواصل الاجتماعي، حملة شعبية على نطاق واسع، لوقف شراء السيارات والأجهزة الكهربائية وجميع السلع التي يمكن تأجيل شرائها، بهدف الضغط على التجار لخفض أسعارها.

وجاء فى البيان المتداول "يا شعب، حارب الغلاء بالاستغناء مالهاش حل تاني.. صدقوني.. أنا في السوق برضه.. مخازن البضائع مليانة والشركات اللي بتوزع بتعيط عشان محدش بيشترى.. البضايع ليها تواريخ صلاحية.. وغير كده الركود ودورة رأس المال انضربت خالص".

وتابع البيان "الدولار هاينزل لأن المستوردين مش هيطلبوا دولار لأن مخازنهم مليانة بضائع، حتى اللي بيبيعوا منتجات صناعة مصرية، عايزين يبيعوها حسب سعر الدولار.. كل الأسعار ها تنزل، لو فضلنا صامدين".

ودعا البيان إلى تأجيل الشراء والاكتفاء بالحاجات الضرورية فقط وقال: "اللي ها يشتري حاجة يأجلها، ولو كان علي الأكل، اشتري احتياجك فقط وبلاش أي حاجة مش ضرورية.. لو عملنا كده التجار هيضطروا يخفضوا السعر لأنهم بدأوا يلطموا فعلاً".

وتابع: "حتى السيارات اللي اشتروها بسعر 8.88 جنيه للدولار وبيبيعوها حاليًا على أساس 20 جنيه، الموديلات ها تركن ولازم ينزلوا الأسعار عشان عليهم سداد فلوس وكمان عشان موديلات السنة الجديدة 2018 باقي عليها 4 أشهر وتنزل".

ويختتم البيان بالقول "الأجهزة الكهربائية بدأت تنزل كمان.. اصبروا كام شهر وما تشتروش حاجة، لو قولنا للتاجر خليهالك هيكتئب وينزل السعر".

فيديو قد يعجبك: