مراد مكرم يتعرض لوعكة صحية :"قرصة ودن"

كتبت- بهيرة فودة:

تعرض الفنان مراد مكرم لوعكة صحية منذ عدة أيام.

وكتب "مكرم" منشورًا، عبر حسابه الشخصي بموقع "فيسبوك"، :" وعكة صحية خفيفة، قرصة ودن، شكرا يا رب".

وأضاف :"الدرس: الدنيا مش مستهله، الشغل لو ليك نصيب فيه هيمشي حتى لو بشوية مشاكل، العلاقات مش أبيض و أسود، في ناس رمادي، اللي هي ناس زي الفل بس ما ينفعوش معاك، تضارب شخصيات، والصحة أهم نعمة مديهالك ربنا، خلي بالك من نفسك و ماتاخدش حاجة على أعصابك، تعامل مع الدنيا من بره ماتخليهاش تأثر جواك..على قد ما تقدر طبعا".

تابع :"يوم جديد وبداية جديدة للمرة المليون...بداية جديدة في تحدي الذات نحو الأفضل لها، يومكم جميل".

ويشارك مراد مكرم في الجزء الثاني من مسلسل "ليه لأ" بطولة منة شلبي، أحمد حاتم وغيرهم.