رشوان توفيق: شوفت سيدنا رسول الله مرتين في المنام (فيديو)

كتب- عبد الفتاح العجمي:

قال الفنان الكبير رشوان توفيق، إنه رأى الرسول محمد (ص) مرتين في المنام.

أضاف توفيق، خلال حواره مع الإعلامي عمرو الليثي مقدم برنامج "واحد من الناس" عبر قناة "الحياة": "أول مرة شوفت سيدنا رسول الله في شكل عالم أزهري قاعد على كرسي عالي جدا وحواليه رجال الأزهر".

تابع: "تاني مرة بقى كانت آية من آيات الله والله على ما أقول شهيد، ليا بنت خالة جبتلها فيزا حج، وسافرت أنا والحجة الله يرحمها، وإحنا ماشيين في مكة لقينا واحدة تايهة وقاعدة في الأرض هي وواحدة صاحبتها، أخدتهم معايا وبعد ما نزلت شوفت الرؤية دي".

استكمل: "شوفت إن الحجة كده على شمالي، وبنت خالتي واقفة أمامي، وسعودي فخم جدا بيديها فلوس، قولتله أنت مين، مردش، قولتله أنت مين، راح رادد عليّا قالي: أنا صاحب الفضل، قولت الله معقولة، واستيقظت من نومي وأنا بقول في اليقظة ده هو ده هو".

يذكر أن أخر أعمال رشوان توفيق فيلم "خيال مآتة" مع الفنان أحمد حلمي عام 2019.