بعد سقوطه بالثانوية العامة 3 مرات.. أحمد حلمي ينصح الطلاب قبل الامتحان

04:22 م السبت 20 يونيو 2020
بعد سقوطه بالثانوية العامة 3 مرات.. أحمد حلمي ينصح الطلاب قبل الامتحان

أحمد حلمي

كتبت- منى الموجي:

قبل ساعات من بدء امتحانات الثانوية العامة، حرص الفنان أحمد حلمي على توجيه نصيحة للطلاب، ونشر فيديو تحدث فيه إليهم، عبر حسابه الشخصي على موقع "إنستجرام".

وقال حلمي في الفيديو "بما اننا بنتكلم عن الثانوية العامة، معتقدش إن فيه حد أحسن مني أبدًا يتكلم عن الثانوية العامة، لإني خبرة وسقطت فيها 3 سنين، كنت بسقط لاني ببقى خايف من الامتحانات، السنة الوحيدة اللي مكنتش خايف فيها من الامتحان سقطت برضه، لإني اكتشفت إني كنت خايف وعامل نفسي مش خايف".

وتابع "حقيقي السنة الوحيدة اللي مسقطتش فيها مكنتش خايف من الامتحان، وكنت بتعامل معاه على إنه فسفوسة، ايه امتحان الثانوية العامة هيعمل فيا إيه هيموتني هيحدد مستقبلي ما يحدده، أنا هاذاكر وأعمل اللي عليا، هنام كويس وأصحى اكل لقمة وأروح الامتحان صافي ومش هاخاف، ولا هضيع وقت في الخوف".

وأضاف حلمي "متضيعوش وقتكم في الخوف والرعب ووجع البطن، هتحلو الامتحان لما تركزوا ان انتم مش خايفين، وان دماغنا فيها معلومات مش هتتمسح، متضيعش وقتك في الرعب والخوف هتحلو وتجيبو مجموع تخشوا الكليات اللي نفسكم فيها".

وكتب في تعليقه على الفيديو "حبايبي طلاب الثانوية العامة بنين وبنات.. ربنا معاكم ويوفقكم وينجحكم.. وخدوا بالكوا طبعا محدش يقلع الكمامة وبلاش تجمعات.. مش عايزين ننجح في الثانوية العامة ونسقط في الكورونا.. (سهيلة بنت أختي.. شدي حيلك وربنا يوفقك يا رب)".

View this post on Instagram

A post shared by Ahmed Helmy (@ahmedhelmy) on

كورونا.. لحظة بلحظة

كورونا فى مصر

  • 101900

    عدد المصابين

  • 88666

    عدد المتعافين

  • 5750

    عدد الوفيات

كورونا فى العالم

  • 30973469

    عدد المصابين

  • 22569238

    عدد المتعافين

  • 960826

    عدد الوفيات

إعلان

إعلان

  • خدمة الاشعارات

    تلقى آخر الأخبار والمستجدات من موقع مصراوي