حمو بيكا: "فرح حسن شاكوش اتكلف 300 ألف جنيه.. وأنا العالم كله يعرفني"

كتب - معتز عباس:

قال مؤدي المهرجانات حمو بيكا، إن حفل زفاف المطرب حسن شاكوش لم يتكلف 4 مليون كما ادعى، مشيرًا إلى أن الأخير كذب من أجل ركوب التريند.

وقال "بيكا"، في لقائه ببرنامج "العرافة"، المذاع على قناتي "المحور" و"النهار"، اليوم الثلاثاء: "فرح حسن شاكوش متكلفش 4 مليون جنيه ده كذاب، اتكلف 300 ألف جنيه.. وفرحي اتكلف 50 ألف جنيه وبعد ما عملت جمعية".

وواصل: "أنا وقفت في فرح حسن شاكوش للآخر، وهو بيقول كل الناس مخدتش فلوس بس الله أعلم محدش يعرف حاجة، أومال هو صرف الـ 4 مليون على إيه، وفي مطربين خدوا منه فلوس لكن الفنان تامر حسني مخدش فلوس وهو شخص طيب".

وأضاف حمو بيكا: :"حسن شاكوش بيحب السهر مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح بيسهر ومراته بتنصحه بتقوله انزل اشتغل.. ومديرين أعماله بيسوحوه".