آية سماحة عن دورها في مسلسل "الصفارة": "بحس إني مطمنة بشغلي مع أحمد أمين"

كتب- محمد أبوالمجد:

كشفت الفنانة آية سماحة، تفاصيل دورها في مسلسل "الصفارة" بطولة النجم أحمد أمين، والذي يُعرض في شهر رمضان، قائلة: "لغبطة أحمد أمين بسبب صفارة توت عنخ آمون حاجة هتحصل له كتير وكل مرة بيرجع في الزمن 3 دقائق لنفس اليوم اللي كان مهم بالنسبة له اللي هيقدم فيه عرضه لكي يترقى في شغله، ويتقدم لي عشان نتجوز".

وأضافت "آية" في مداخلة هاتفية لبرنامج "التاسعة" على فضائية "مصر الأولى" اليوم السبت: "أن اليوم اللي بيرجع له أحمد أمين بالصفارة هو يو مهم بالنسبة له عشان يغير حدث واحد في اليوم وهيترتب عليه مواقف مختلفة، وبيحاول يظبط حياته كل شوية"، موضحة: "اشتغلت مع أحمد أمين قبل كده في مسلسل ما وراء الطبيعة ولكن كانت ظروف المسلسل مختلفة لأن المسلسل كان رعب".

وأكدت: "شغلي مع أحمد أمين مطمئن وبحس إني في آيد أمينة، وهو ايد امينة وهو مثقف وبيدعم اللي حواليه وبيركز في تفاصيل بتعلم منها وفي كل مرة بحس إنها تجربة جديدة وبتعلم منها جدًا"، موضحة: "مش عارفه خلصنا كام حلقة ولكن إحنا قربنا نخلص تصوير المسلسل".

وأردفت: "كل فريق العمل بيشارك في اننا نقول الإيفهات في المسلسل وكلنا جاتلنا الفرصة وبنحاول نستغلها".