"استمروا وإحنا معاكم".. السيسي يوجه رسالة إلى المزارعين

كتب - أحمد جمعة:

وجه الرئيس عبدالفتاح السيسي، الشكر للمزارعين المشاركين في مبادرة "ازرع" ولكافة المزارعين في مصر.

وقال الرئيس السيسي خلال فعاليات المؤتمر الأول للتحالف الوطني للعمل الأهلى التنموي، اليوم الاثنين: "قولنا هنكون مع بعض دايما.. التحالف كتلة واحدة ومستعدين للتعاون أكتر في مجال الزراعة".

وأضاف: "هكلمكم على تجربة أخرى.. قولتوا بنوفر في المياه وبنخلي الإنتاج كويس والسلاسل تقل.. لو بتاخد حاجتك بتديها للجمعية على طول مفيش وسايط كتير والمزارع محتاج كل قرش.. في موضوع هدر المياه وبتكلم على الزراعة تحديدا .. كل الأفكار محل تقدير.. لكن بتكلم على الزراعة تحديدا بنزرع في الصعيد حوالي 350 ألف فدان من القصب.. بستهدف قدرتكم في الوصول إلى المزارعين كلهم .. وزارة الزراعة فيه موظفين ميقدروش يأدوا اللي بتعملوه".

وتابع: "الزراعة الحديثة تستهدف تقليل كمية المياه مثلا 10% ودا رقم كبير قوي .. مع زيادة الإنتاجية 20 أو 30% في القصب.. لو استهدفتوا دا ووصلتوله بالتعاون مع وزارة الزراعة .. المزارع اللي بيزرع بيسيب الحاجة في الأرض 5 سنين .. لكن عاوز أقولكم على حاجة كل موضوع بنستهدف إننا نشاور عليه متستقلش بفدان القصب أو الفول الصويا أو التقاوي .. لو كان الكلام هيتعمل بشكل جمعي".

واستكمل: "لما اتكلمت عن رؤوس الماشية بتقول بتدي 25 كيلو لبن لرأس الماشية.. غيرها بيطلع 5 أو 6 كيلو لبن ..كنت بتكلم إننا نستهدف بحلم .. حد يقول مليون رأس ماشية .. مع بعضنا المدة تقل من 10 سنين لأقل من كده.. استمروا في دا واستهدفوا حجم أكبر وإحنا معاكم".