"مينفعش دعاء من غير عمل".. السيسي: يا جماعة يا بتوع ربنا أنتم بتظلموا الدعاء

كتب- إسلام لطفي:

انتقد الرئيس عبدالفتاح السيسي، تخاذل البعض عن العمل والاعتماد فقط على الدعاء دون سعي، قائلًا: محدش بيخطط لبلده بقول اننا مستنيين ربنا يوفقنا ويبعتلنا حاجة ونورث يعني.

وأضاف خلال كلمته في افتتاح المرحلة الأولى لمدينة المنصورة الجديدة، اليوم:"يا جماعة يا بتوع ربنا، انتوا مش بتقعدوا تدعو بقالكم 50 سنة، تصدقوا بالله انتوا بتظلموا الدعاء، لأن دعاء من غير عمل، ربنا مبيعملش كده".

وتابع: تعمل وتقول يا رب فربنا يوفقك، لكن تدعي بس مينفعش، اقفل الكتاب طول السنة واقعد صلي وصوم وادعي وهات الـ90%، لا يمكن ربنا مقلش كده.. عشان كده بقول بتظلموا الدعاء، بتظلموا العلاقة مع الله.

واستطرد: تقول أنا هجيب وربنا يرزقني ويبقى عندك 5 أولاد أو 6، وتقول ربنا هيرزقني، محدش هينام من غير عشا صحيح، لكن أنت طلعت إنسان مكنتش بصير على نفسك، ومكنتش حسيب على ظروفك.​