السيسي: "التوك توك بقى مشكلة كبيرة"

كتبت- ياسمين محمد:

قال الرئيس عبدالفتاح السيسي، إن انتشار "التوك توك" بالأحياء، يتسبب في مشكلات كبيرة فيما يتعلق بلياقة المصريين: "التوك توك عمل مشكلة كبيرة في بلدنا، النهارده الناس بتتحرك 100 متر جوا الحي بتاعها بالتوك توك، المفروض تمشوا ياجماعة، بس لو حد صحته مفيهاش مفيش مشكلة".

وأضاف خلال كلمته، خلال كلمته بجلسة "بناء قادة المستقبل" ضمن فعاليات اليوم الثالث لمنتدى شباب العالم، بمدينة شرم الشيخ: "الأمة ذات الشأن، بتفتش في نفسها في كل شيء: كلمة، لفظ، سلوك، وزن، علشان نحط نفسنا بين دول العالم".

من جه أخرى، قال الرئيس، إن مصر في حاجة لتوفير 250 ألف فصل دراسي بتكلفة تقدر بـ 130 مليار جنيه، نظرًا لأن الكثافة الطلابية تزيد بمعدل 700 ألف طالب وطالبة كل عام.

وتابع الرئيس السيسي، قائلًا: "التحدي ده تحدي كبير لكن الأكبر منه في تقديري إزاي هتم عملية التشغيل"، في إشارةٍ لكيفية توفير المعلمين والحفاظ على الفصول الدراسية وكفاءتها، مستدركًا: "أنا بقولكم إنتوا يا مصريين قولولي أعمل إيه، ده في قطاع واحد".