وجه الإعلامي مصطفى بكري، رسائل عديدة للحكومة المصرية والتي يترأسها مصطفى مدبولي رئيس مجلس الوزراء، على خلفية أزمة ارتفاع الأسعار التي يواجهها الشعب المصري.
وقال "بكري" خلال برنامج "حقائق وأسرار"، المذاع على قناة "صدى البلد"، اليوم الخميس: "لازم تكون في كل محافظة في كل وزارة إدارة حقيقة قلبها مع الناس والشعب والجماهير وتحس بالناس، الشعب دا عايز اللي يفهمه، يا حكومة هاتي 12 متحدث واعي وفاهم ويقعد مع الناس، اتكلموا معاهم واشرحوا وسيبوا الناس تنطلق في كل حتة وتقول دا ايوة دا صح وده غلط، دعوا الطيور تغرد سيبوا الناس تعبر وتفضفض انتم هيستفيدوا واحنا هنستفيد".
وانتقد "بكري" إصدار مجلس الوزراء إصدار قرارات دائمًا دون إجراء حوار مجتمعي مع المواطنين، معقبًا: "مسألة إصدار القرارات وخلاص كدا مبقاش ينفع مع شعب مصر، أوعى حد يستهين بالشعب، دا شعب واعي و محدش يقدر يضحك عليه، ولما بيحس بالخطر مش بيسكت"،
وطالب مقدم برنامج "حقائق وأسرار"، الحكومة بتنفيذ مطالب الشعب، متابعًا: "يا حكومة لجمي الأسعار بسرعة وتلمي الدولار بسرعة وتشوفي مشكلة التصدير والاستثمار، خلي الشعب يلاقي لقمة عيش كريمة، الشعب عايزين الستر، ارحموا الشعب المصري وساعدوه يتستر ويعدي الأزمة دي بخير".
وأكمل: "من الازمة يولد الأمل، واحنا عندنا قدرة على الحلم ونحلم ببلد عظيمة، نتمنى نعدي الأزمات والمشاكل ويجي يوم يبقى عندنا اكتفاء ذاتي في القمح والسكر والأرز نحس ـن بلدنا بتاكل من ايديها".
