بالفيديو| رمضان عبدالمعز: تذوقوا طعم الطاعة واحذروا من هذه الأمور

كتب- محمد قادوس:

قال الشيخ رمضان عبدالمعز، الداعية الإسلامي، إن سيدنا النبي صلى الله عليه، أوصانا بالرأفة بأنفسنا أثناء الطاعة، مضيفا: "الدين يسر، تلاقى واحد يسمع خطبة عن أداء صلاة قيام الليل، يقول بس هصلى الليل يقوم يصلى ٣ ساعات، ورا بعض ويقعد عليها ٣ سنين، ليه كده، واحدة واحدة، أحب الأعمال أدومها وإن قل، صل ركعتين حتى كل يوم، قبل الفجر".

وتابع عبد المعز، خلال حلقة برنامج "لعلهم يفقهون"، المذاع على فضائية "dmc"، أمس الأربعاء: "الدين يسر، عاوز تصلي قيام الليل، وانت تعبان، صل وأنت قاعد، مش قادر على جنبك، بعينك، شوف رحمة ربنا بك، ترفق بنفسك عشان تستمتع وتتذوق العبادة، مينفعش تبقى تعبان وبتضغط على نفسك، يعنى عاوز تدخل الحمام تقول أصلي قبل ما الوضوء يضيع، وتدخل تصلي وانت تعبان ولا ترفق بنفسك، لا ادخل الحمام وتوضأ وصلِّ، زى إللى ييجى يصلي لما الأكل يتحط، لا كل وبعد كده صلي".