عمرو محمود ياسين عن نهاية "اللي مالوش كبير": "الخديوي قاتل مأجور والسيناريو لم يخدعك"

01:41 م الجمعة 14 مايو 2021
عمرو محمود ياسين عن نهاية "اللي مالوش كبير": "الخديوي قاتل مأجور والسيناريو لم يخدعك"

عمرو محمود ياسين

كتبت- ياسمين الشرقاوي:

حرص السيناريست عمرو محمود ياسين على توضيح بعض الأمور لمنتقدي نهاية مسلسل "اللي مالوش كبير"، الذين وصفوها بـ"الكئيبة"، خاصة بعد موت "الخديوي" (أحمد العوضي).

وكتب "عمرو ياسين"، عبر حسابه بموقع "فيسبوك": "من ذكريات اللي مالوش كبير، وقت ما كنت بكلم صديقي وأخي أيمن بهجت قمر عن الأفكار اللي في المسلسل عشان يكتب التتر بتاعه اللي بحييه عليه جدا، قلت له إن من ضمن الأفكار اللي عايز التتر يتكلم فيها، فكرة أن اللي بيختار غلط ويفضل متمسك بغلطه ومستسهله حياته بتبوظ، فكتب الجملة الجميلة دي بالأغنية (واللي بيختار غلط سكوته يدمره)".

وعن انتقادات البعض لنهاية المسلسل قال: "اللي بيختار سكة مش تمام وما يحاولش يغير فكره بالوقت المناسب حياته هتدمر، فييجي بعض الناس عايزين يغيرولي أحد الأفكار الرئيسية في المسلسل ويخلوني اتكلم عن التوبة، ويقولوا لي كنت خليه يتوب، طيب ما هو أنا في العمل ده عايز اتكلم عن الناس اللي مش بتوب!".

وتابع: "أنا بناقش فكرة استسهال الخطأ والثبات عليه وأثره على الإنسان وعلى المحطين به، بعمل شكل من أشكال الزجر لكل من تسول له نفسه انه يمارس البلطجة والإجرام، وبوريله أنه ممكن يخسر كل شيء، زي ما الخديوي خسر اخوه وخسر صديق عمره وخسر الجنين اللي كان في بطن زوجته، وخسر حياته اللي كان متمنيها مع الزوجة اللي حبها، وفي الآخر خسر حياته شخصيا".

وأضاف: "هتقولي طب خلتنا نحبه ليه، خليتك تحبه لانك لو محبتوش انت مش هتكمل المسلسل أصلا، ثم إن أنت حبيت فيه لحظاته المميزة مع الناس اللي بيحبها اخوه صاحبه.. حبيبته.. ولاده.. طبيعي هيبقي كويس معاهم".

وأكمل: "لكن أنا ماخبتش عليك أنه بلطجي! من أول لحظة وأنت عارف أنه راجل مفتري وخارج ع القانون.. من الحلقات الاولى وانت شفته. رايح يتفق على قتل إنسان مايعرفوش مقابل المال.. يعني هو قاتل مأجور! السيناريو لم يخدعك وقالك كل الحقائق من بدري.. طيب انت اخترت تحبه.. بس ده لا يعفيه من المسؤولية".

واختتم عمرو ياسين منشوره قائلًا: "أنا لما موت مالك وموت مينا وموت الخديوي ماعملتش ده عشان انكد عليك، لكن عشان أؤكد ع فكرة معينة عايز أوصلها للمتلقي، هي ان اللي يختار غلط سكوته يدمره!".

مسلسل "اللي مالوش كبير" عرض ضمن الموسم الرمضاني المنقضي، وقام ببطولته ياسمين عبدالعزيز، أحمد العوضي، خالد سرحان، خالد الصاوي، دينا فؤاد، دنيا عبدالعزيز، فتوح أحمد، عايدة رياض، أحمد عبدالله محمود، أحمد سعيد عبدالغني، إيمان السيد، محمود حافظ، وغيرهم، سيناريو وحوار عمرو محمود ياسين وإخراج مصطفى فكري.

كورونا.. لحظة بلحظة

أخبار الكورونا
868

إصابات اليوم

43

وفيات اليوم

711

متعافون اليوم

320207

إجمالي الإصابات

18058

إجمالي الوفيات

270193

إجمالي المتعافين

إعلان

Masrawy Logo loader

إعلان

  • خدمة الاشعارات

    تلقى آخر الأخبار والمستجدات من موقع مصراوي