محمد إمام عن مسلسل "النمر": اللي جاي رعب

كتب- عبد الفتاح العجمي

عبّر النجم محمد إمام، عن سعادته بردود الفعل حول مسلسله "النمر" والذي يعرض حاليا على قناة "الحياة".

وكتب إمام، عبر حسابه على موقع "تويتر": "إيه كل الكلام الحلو ده وكل الترندات دي، وإيه كل قصات الشعر الجامدة دي وكل التصميمات والرسومات الحلوين دول، بجد شكرا من كل قلبي".

أضاف: "مبسوط جدا أن المسلسل عجبكم بالشكل ده، ده إحنا لسه معملناش حاجة، استنوا الحلقات اللي جاية علشان اللي جاي رعب شكرا على كل حاجة".

"النمر" بطولة النجوم: محمد إمام، هنا الزاهد، نرمين الفقي، ومحمد رياض وغيرهم، من تأليف محمد صلاح العزب وإخراج شيرين عادل.

المسلسل تدور أحداثه حول شاب صعيدي يهرب من الثأر إلى القاهرة، ويعمل في محالات الصاغة، وتنشأ بينه وبين التاجر الشرير عنتر العديد من الصراعات.

ويعرض مسلسل "النمر" على قناة "الحياة" الساعة 10:15 مساء، والإعادة 2:00 صباحا، و1:30 مساء.