محمود العسيلى: "٣ جوازات كتير أوي على سني بس الثالثة تابتة"

كتب – معتز عباس:

رد الفنان محمود العسيلي على الانتقادات الموجهة له بأنه يتعامل بغرور مع الصحفيين، قائلًا: "عندي أصدقاء صحفيين كتير، أنا بشوف إن كل واحد لازم يشوف شغله.. فى ناس بتتصل بيا بس أنا حقي إني ما أردش، علشان في مدير أعمال بيرد على التليفونات وديه وظيفته وأنا مش هقفل بابي في وش حد، ولو حد بعت على إيميلي وأنا ما ردتش أبقى نص كم".

وأكد "العسيلي"، في الحلقة الثانية من برنامج "شيخ الحارة والجريئة"، المذاع على فضائية "القاهرة والناس"، تقديم المخرجة إيناس الدغيدي، اليوم الأربعاء، سفره مع خطيبته لفرنسا دون زواج، موضحًا: "آه سافرنا ألمانيا وفرنسا ولبنان وإسبانيا وتركيا، ولكن كنا مع أصحابنا في رحلات وبنتفسح".

وتابع: "ما حصلش إني اتقدمت لحد واترفضت، ولكن حصل إن قلبي اتكسر قبل كده، وأعتقد ٣ جوازات كتير أوي على سني، بس التالتة تابتة".