الرئيس السيسي لأسر طلاب الشرطة: "متأكلهمش كتير في الإجازة"

كتب- أحمد جمعة:
أشاد الرئيس عبدالفتاح السيسي، اليوم الأربعاء، بالتدريبات والأنشطة في أكاديمية الشرطة.

وقال الرئيس السيسي خلال زيارته للأكاديمية ولقائه أسر الطلاب: "خلال الـ 3 شهور اللي فاتوا شوفتوا الفرق والتغيير قد ايه .. اطمنوا عليهم وبنهنيكم عليهم وهما شباب تفرح .. جينا بدري شوية علشان نقولكم كل سنة وأنتوا طيبين".

وقرر الرئيس السيسي منح الطلاب إجازة بمناسبة حلول شهر رمضان "بطمنكم على ولادكم، ومتأكلهمش كتير في الإجازة لأننا مرتبين الأمور معاهم، وتسعدوا بيهم وييجوا بعد إجازتهم بالسلامة".

وأضاف: "اللي حفظ مصر وبيحفظها وكبرها وهيكبرها ربنا سبحانه وتعالى وأنتم.. الأسرة اللي ربت ولادها وكبرتها وبتقدمها لمصر ومش بجاملكم والله .. باللي عملتوه والشباب اللي ربتوهم أحسن تربية وقلتم اتفضل بنقدمهم لمصر".

وأوضح الرئيس السيسي أن حماية الوطن هي أشرف مهمة لأي إنسان.

وأشار إلى أن الدولة عملت على تطوير وإنشاء مراكز الإصلاح والتأهيل، لافتا إلى أن الهدف من إنشاء مراكز الإصلاح والتأهيل هو بناء شخصية جيدة للمواطن في إطار سياسة عقابية جديدة.