السيسي: أرسلت قوات لحماية الصعيد فى 2013 لمنع حرب أهلية

كتب- أحمد عبد المنعم:

قال الرئيس عبدالفتاح السيسي، خلال احتفالية تدشين عدد من المشروعات في المنيا الجديدة اليوم، "افتكروا 2013 ولو أنتوا افتكرتوا الوقت الصعب ده هتعرفوا إن قد إيه كنا في خطر شديد جدا".

وأضاف :"خلوا بالكم أنا أرسلت قوات في خلال 10 ساعات في أعقاب اللي حصل، علشان تحمي وتؤمن الصعيد من محاولة التدمير والتخريب والتضييع، علشان نمنع فتنة وحرب أهلية في مصر".

وأوضح: "أنا أدلل على ده، إن ربنا وقف معانا وحمى الناس الطيبة البسيطة دي، زي كل أسرة بشوفها في كل حتة في مصر ربنا نجاهم وأمنهم وسلمهم، يبقى تفتكروا مش هيكمل فضله علينا؟ لا هيكمل فضله علينا وهيعينا وهتشوفوا".

يذكر أن المنيا شهدت أعمال تخريبية التي نفذتها عناصر جماعة الإخوان الإرهابية عقب فض اعتصام رابعة، وشهدت أكبر موجة عنف في كل محافظات مصر في أغسطس 2013، حيث تم قتل نحو 20 من رجال الشرطة وإصابة العشرات من رجال الشرطة والأهالي أثناء اقتحام وحرق 10 مراكز وأقسام شرطة وكنائس ومباني كنسية بالمحافظة.