السيسي: "ملاحظ حالة الخوف عند الناس" (فيديو)

كتب- يوسف عفيفي:

قال الرئيس عبدالفتاح السيسي، إن هناك حالة قلق وخوف المصريين على ما تمر به مصر حاليا من أزمة اقتصادية"، قائلا: "أنا ملاحظ إن في خوف عند الناس.. لكن أنا موافق عليه؟ لأ خالص".

وقال السيسي في تصريحات على هامش زيارته للكلية الحربية، صباح اليوم الخميس: "في خوف عند الناس أها وملاحظ ده وأنا مش موافق عليه خالص.. أول مرة تشوفوا مشكلة ولا أيه.. أول مرة يا مصريين تقابلوا أزمة طيب ما إحنا دايما خلال السنين اللي فاتت بنشوف أزمات ومصر صمدت وعاشت وهتصمد وهتعيش.. صحيح".

وتابع: "هل صمدت بالحكومة؟ لأ.. صمدت بالناس والشعب وبيكم يعني ومفيش مجال أبدا والله للخوف أو القلق ودي رابع مرة أقولها خالص.. واحنا بخير الحمدلله وكل الأمور بفضل الله هتبقى أحسن من كده إن شاء الله.. هل عندكم شك".