رئيس اتحاد عمال مصر: "للآسف بعض المنشآت تقول لـ 5% هديلك 1000 جنيه وأقعد في البيت"

كتب – معتز عباس:

قال محمد جبران رئيس اتحاد عمال مصر، إن الرئيس عبد الفتاح السيسى أعطانا ورقة عمل للعمل عليها خلال الفترة المقبلة، متابعًا: "بحيث لو مشتغلتش عليها يبقى هو اللي أعطانا الفرصة واحنا ضيعناها من ايدينا، يبقى لازم أخذ الـ10 قرارات اللي اتكلم عليهم الريس واشتغل عليهم، عشان لما يجي عيد العمال السنة الجاية أقول للرئيس ورقة العمل خصلت وعايزين غيرها".

وأضاف "جبران"، خلال مداخلة هاتفية ببرنامج "التاسعة"، المذاع على "القناة الأولى المصرية"، مساء الإثنين، أنه لأول مرة يتحدث رئيس عن ذوى الهمم للعمل فى القطاع العام والخاص، هذه رسالة واضحة للتأكيد على الاهتمام والوقوف بجانب ذوي الهمم، مؤكدا أنه لابد أن يتم تغليظ العقوبة بقانون الـ 5% على أصحاب الأعمال الذين يفصلون ذوى الهمم بدون مبرر.

وتابع: " للأسف أنه بعض المنشآت تقول لـ 5% هديلك 1000 جنيه وأقعد في البيت، أنا مش عايز كدا لا أنا عايز ذوي الهمم يشتغل ويحس بكيانه، وذوي الهمم عندهم قدرات وأفكار كبيرة ولابد أن نستوعب ذلك".