عمرو أديب: "الخير في مصر أنهار أنهار. بلدنا بتاخد بالها من بعضها"

كتب- محمد أبوالمجد:

قال الإعلامي عمرو أديب: "أنا مش مندهش ولا مستغرب إن الخير في مصر أنهار أنهار ومحدش سايب حد بجد، اللي بشوفه من الناس للناس، ومفيش حد في مصر هيقعد من غير فطار أو من غير سحور".

وأضاف "أديب" خلال تقديمه لبرنامجه "الحكاية" على فضائية "إم بي سي مصر 2" اليوم السبت: "مفيش حد في مصر واقف في إشارة وقت مدفع سحور أو فطار ومحدش هيأكله أو هيشربه، هي دي مصر، البلد دي بتاخد بالها من بعضها، ولا يمكن لأي حد في مصر هيبات من غير سحور، ولا يمكن أي حد يخبط على بيت ومش نطلع له أحسن ما عندنا، هي دي مصر".

وتابع: "الناس في مصر واقفين جنب بعض بشكل مذهل ومشرف في الريف والحضر والموانئ والمساجد والشوارع وفي كل مكان، الإطعام والعطاء يفرح ويشرف، بشكركم وفخور إني مصري وإننا شعب عارف يعني ايه أزمة ولما يكون في أزمة بنتصرف، وإحنا نازلين نتحمل المسؤولية".